Bisdak Words

Paghangyo

Sa lawud sa Pasipiko
May mga langgam nga nag-awit
Matud pa sa ilang awit
Ang gugma ay pagkasakit.

O dalaga bisan pa ang gugma adunay kasakit
Baktasun ko gihapon ang yuta ug ang langit
Mapamatud-an ko lang kanimo nga ikaw lang ang bugtong bulawan
Nga nahimong bahandi niining ilalom sa dughan.

Sa imuha nga pagkabulawan
Ikaw gayud nahimo nga pinuti
Nga nitigbas sa pagbati kung putli.

Mao kanimo nanghina-ut
Nga sa pagtigbas mo niining gugma nga putli
Abrihan mo gayud ang ganghaan sa gugma
Aron sa paghunas ug pag-taob niining Pasipiko
Pagasalohan ta ang gugma nga walay katapusan
Bisan ug lunopan pa ang tibuok kalibutan.