Bisdak Words

Ikaw Langit

Sa maka-usa pagla-um ku nahanaw,
sa ilawm sa makabutang kangitngit.
Kasingkasing nga nagtu-aw sa kabugnaw,
sa pag abut mu, kahayag nabanhaw.
Ang patay’ng punu-an nabuhi,
ug ang pagmaya ug kalipay, nipuli.

Usa ka kabinhi ning dughan,
na nagtubu ning kahiladman.
Sa dakung unus man u bagyu,
way makalangkat ning gugma kanimu.
Sa bahakhak man u hilak,
kanimu padayun magsulat ug balak.

Kung ang tore man masukud,
ug kung ang kinatas-ang gambalay matukud,
sa akung dughan ikaw langit
nga nagdan-ag sa akung dalan sa hingpit.

By: Marnie Dy

(@Marnie, kindly send short message to bisdakwords@gmail.com or chat us in our facebook page, thank you)