Bisdak Words

Inahan

Sa pagkatawo ko niining kalibutan
Ako-a gayud nasayran
Nga dili lalim ang imong naagian
Sulod sa siyam ka bulan.

Taliwala sa mga kasakit nga naagian
Ako imoha nga gi-ampingan
Sulod sa imong sabakan.

Kanimo ako mapasalamaton
Kay ikaw ana-a kanunay sa kiliran
Andam mo atiman
Kung ako masakitan.

Ang imoha nga pag-atiman
Mao gayud ang timailhan
Nga ikaw mahimong garbo niining dughan
Kay sa ako-ang mga kagul-anan
Ako wala biya-i ug gi unungan.

Sa katapusan,

Kung mahanaw ka man niining kalibutan
Ikaw magpabilin niining dughan
Tungod sa imong binuhatan

Nga dili gayud kailisan sa mga mahalalon nga bahandi niining kalibutan.

Contributed by: Fray Roldan Benemerito, OAR