Bisdak Words

KABATAN-ONAN

Sa pagkahimugso ko niining kalibutan Ako gitahasan sa kapalaran Nga alagaran ang yutang natawhan. Kay matod pa sa kasulatan Ako ang paglaom sa yutang natawhan.

Isip paglaom sa yutang natawhan Katungdanan ko kini nga panalipdan Sa kamot sa mga lumulupyo nga daotan
Bisan pa ug ang katungod ko tumban.

Dili ko gayud budhian; ang yutang natawhan Kung ang katungod ko tumban Sa mga lumulupyo nga daotan Kay matod pa sa kasulatan ako-a gayud kining panalipdan bisan ang mga kasakit mahiaguman.

Busa ang pagpanalipod ko sa yutang natawhan Kinahanglan ko gayud pamalandungan Kay dili sayon ang ako-a nga mahiaguman Ilabi na kung sa kamot sa mga lumulupyo nga daotan.

Sa katapusan Itanom ko gayud niining yutang natawhan Ang liso sa gugma nga gikan pa sa ilalom niining dughanKay mao kini bugtong dagon nga ma-alagaran ang yutang natawhan.

Contributed by: Roldan Benemerito