Bisdak Words

Ang pagtadlas sa kamatu-oran ilalom sa tulay nga malimbongon

Kahinam nga naghulat taliwala sa dagat og sapa
Mga pahiyom sa bata nga nag ambukaw sa suba
Sakayan nga napuno sa gasa
Gikan sa lain lain nga isla

Kaadlawon ang takna sa pag saba-saba
Baho sa hangin nga nanimahong langsa sa isda
Nagpabilin og ni pilit sa puti nga bistida
Gibaliwala sa mga mata nga nagduka

Ilalom sa simentado nga tulay
Dili nimo makita ang kahapsay
Buling sa sapa nag dul-ay
Og dili yano ang pagtindak sa trisikad ni tatay

Dili masukod og maihap ang kabug-at sa balde
Lakip na ang pagbulig sa kakugi
Mga mata nga katukohan og palito matag gabie
Buot mupiyong og itambog sa ilalom ang mga nangagi

Hugaw man kung imong lantawon
Bulingit man tungod sa lapok nga yutikon
Langsa man kong imong simhoton
Apan sa lama naka ukit ang sugilanon nga presko og tunokon

Mga balak ni Echu! Follow Maricho Rollan