Bisdak Words

Salapi Sa Dahon

Buntag, Udto hangtod kaadlawon
Taghoy sa hangin ang paaboton
Duyog sa paglutawlutaw sa laya nga dahon
Uban sa panghupaw og unsay ipanihapon

Tara na! matod pa ni mama
Nga nagkupot sa sako ug lampara
Ako nahibulong kay ngit-ngit pa
Oras pa sa pag piyong sa mga mata

Mga kahibulong akong gipadaplin
Ug nasinati ang kabugnaw sa hangin
Niduyog sab ug pagkanta ang bitin
Magdali basin wala nay mahibilin

Kahoy nga himsog ug buhi
Sumpay sa panginabuhi
Dahon puniton,hinayon para dili makisi
Ugma puhon mahimong salapi

Mga balak ni Echu! Follow Maricho Rollan