Bisdak Words

SHOWER

Patak sa tubig ang naghonghong
Mga mata nga nahibulong
Baba nga nagpulong- pulong
Gidungog nga humok og ilong

Pila pa kaha ka balde
Ang ibanlaw sa hugaw matag gabie
Pila pa kaha ka balde
Ang mopukaw para dili na masubli

Gipatim-aw ang kadasig
Uban sa pagdagayday sa tubig
Kagahapon buot isablig
Ug itambog sa handig

Sugilanon sa kagabhi-on
Pait pa sa lugaw nga kinamuton
Hinugasan apan buling gihapon
Nagpabilin ang mansa sa pait nga kagahapon

Mga balak ni Echu! Follow Maricho Rollan

This is a copyrighted material. Bisdak Words have permission to publish this post. If you want to republish, please contact the author.