Bisdak Words

Tinood nga Gugma

Sa pagbidlisiw sa adlaw
Mirason dili matan aw
Nagluhod ako kanimo
Nangayo ug pasaylo.

Ang imong gugma way sukdanan
Kay bisan ang krus imong giduphan
Taliwala sa mga kasaypanan
Nga ikaw mismo wala’y kalabotan.
Apan ani-a ako karon
Nagaluhod ug nagabakho
Sama sa usa ka pagano
Nga nagapa-ubos
Atubangan sa Diyos.

Ang maong pagpa-ubos
Atubangan sa Diyos
Mao gayud ang tima-an
Nga dili ako angayan moangkon sa bulawanong gingharian

Apan tungod sa iyahang gugma nga nagatubod
Ako karon nagapamatuod
Nga ang gugma sa Diyos labing tinuod.

Busa sa katapusan
Garbo ka gayud niining dughan
Kay ang gugma mo mao’y hinungdan
Sa kaluwasan sa katawhan.

By: Fray Roldan